Kuch bhi to nahi waisa

Kuch bhi to nahi waisa
jaisa tujhe soch tha
itna tujhe chaha tha
kuch harf duaon ke, kuch phool wafaon ke
mehkain gay meri khatir
Kuch bhi to nahi wiasa
jaisa tujhe socha tha
mehsoos ye hota hai dukh jhaile thay jo ab tak
benaam musafat mein
likhne ki muhabbat mein, parhne ki zaroorat mein
besood riyazat thi, befaiz ibadat thi
jo khawab bhi dekhe thay
in jagti aankhon ne
sab khaam khayali thi
phir bhi tujhe paane ki dil ke kisi goshe mein
khawhish to bacha li thi
lekin tujhe paa kar bhi aur khud ko gunwa ker bhi
is habs ke mousam ki khirki se hawa aai
na phool se khusboo ki koi bhi sadaa aai
ab neend hai aankhon mein
na dil mein woh pehli si sukhan aaraai
na lafz mere nikle na harf o maani ki
danish hi mere kaam aai
nadeeda rafaqat mein jitni bhi azziat thi
sab mere hi naam aai
kuch bhi to nahi waisa
jaisa tujhe socha tha
jitna tujhe chaha tha
Kuch bhi to nah waisa