Ye waqiya bhi ajab meri zindagi ka tha

Ye waqiya bhi ajab meri zindagi ka tha
mai chahta tha usey aur wo kisi ka tha

Kisi ne torh diya mera aashyana e khawab
Mujhey bhi zaum boht apni aashqi pe tha

Tab apni wehshat e ja'n par huwa boht afsos
Jo ye suna k usey shauk dill lagi se tha

Wo aabdida huwa dekh kar mujhe sar e bazm
K uss k siney mai bhi dill to aadmi ka tha

Bitchar k mujh se wo khush hai ye sunn k dukh to huwa
Magar ye ranj bhi baiis meri khushi ka tha

Na meri zaat se matlab na merey dard se kaam
Wo moataraf to faqat meri shaiiry se tha